"ASK Arena"nın qazonunun təmiri zamanı tükürpədici hadisə üzə çıxıb.

Prosport.Az-ın xəbərinə görə, Bakıda açılacaq "Barselona" klubunun akademiyası üçün köhnə "Şəfa" stadionu seçilib.

"AzFar" şirkəti qazonun dəyişdirilməsinə başlayıb. Həmin vaxt oradan "Keşlə"nin (indiki "Şamaxı"nın) sabiq baş məşqçiləri – Yunis Hüseynov və Sənan Qurbanovun adı yazılmış və şəkli olan cadu üzə çıxıb.

Həmçinin, "Keşlə"nin həmin vaxt meneceri işləyən, hazırda "Araz-Naxçıvan"da çalışan Eldəniz Yusifov və hazırda "Neftçi" Akademiyasında qapıçı məşqçi işləyən Aqil Məmmədovun da şəkilləri orada olub.

Ehtimal edilir ki, bunu həmin vaxt "Keşlə"nin uğursuzluğunu istəyən, ora baş məşqçi gəlmək istəyən məşqçilərdən biri edib.

Qeyd edək ki, Yunis Hüseynov "Keşlə"də 2020/21 mövsümündə çalışıb və yanvarda uğursuz nəticələrə görə postundan ayrılıb. Ondan sonra boş qalan posta isə Sənan Qurbanov təyin edilib. O, "Keşlə"yə Azərbaycan Kubokunda qazandırsa da, 2021/22 mövsümündə uğursuz nəticələrə görə istefa verməli olub.