"Belə oyunlarda hesab o qədər də önəmli deyil".

Prosport.Az xəbər verir ki, bunu "Neftçi"nin baş məşqçisi Samir Abasov klubun rəsmi televiziyasına açıqlamasında deyib.

Mütəxəssis Polşada yerli "Termalika" ilə heç-heçə (2:2) etdikləri yoxlama matçı ilə bağlı fikirlərini bölüşüb: "Bu cür matçlarda çox dəyişikliklər edirik. Hər hissədə başqa cür oynayırıq. Fikir də belədir. İlk yarıda rəqibi öz meydanımızda qarşıladıq. Fasilədən sonra fərqli şeylər etmək istədik. Məncə, hər iki hissədə hərəkətlilik var idi. Yoxlama görüşü olsa da, futbolçular uduzmaq istəmirdilər. Bəlkə də dediklərim bəziləri üçün təəccüblü gələcək. Amma oyunçulardan istədiklərimizi ala bildik. Plan üzrə yaxşı gedirik. Belə davam etməliyik".

Baş məşqçi bəzi futbolçuların toplanışa gec qoşulduğunu xatırladıb: "Oyunçuların matçlarda top itirmələri fiziki cəhətdən yorğun olduqlarının göstəricisidir. Bunlar normal bir şeydir. Daha çox olmalıdır. Toplanışın əsas məqsədlərindən biri fiziki durumu düzəltməkdir. Oyunlara çıxanda məşqçinin dediklərini və öz istədiklərini etmək üçün gücləri olmalıdır. Əsas odur ki, yaxşı komandaya qarşı oynadıq".