Abbas Hüseynov “Qarabağ”da qalacaq. Ağdam klubunun baş məşqçisi Qurban Qurbanov sağ cinah müdafiəçisinin komandadan ayrılmasına icazə verməyib.

Prosport.Az futbolinfo.az-a iatinadən xəbər verir ki, bir neçə gün öncə millinin müdafiəçisinin “Qarabağ”dan ayrılmaq ehtimalı yaranmışdı. Xaricdən ciddi təklif alan 30 yaşlı oyunçu “atlılar”da heyətə düşməkdə çətinlik çəkməsini də nəzərə alaraq legioner karyerasına başlamaq istəyirdi.

Ancaq Qurbanov heyət zənginliyini qorumaq üçün Abbasın gedişinə razılıq verməyib. İmtinada Hüseynovun Avropaya yox, Asiyaya yollanmalı olacağı da rol oynayıb.