“Neftçi” transfer bazarında fəallığını davam etdirir.

Prosport.Az futbolinfo.az-a istinadən xəbər verir ki, “ağ-qaralar” daha bir əcnəbi futbolçunu heyətinə qatmaq niyyətindədir.

Arxa xəttə Murad Xaçayev və Elvin Bədəlovu cəlb edən paytaxt təmsilçisi bu dəfə əcnəbi müdafiəçi ilə heyətini gücləndirməyə hazırlaşır. Belə ki, rəhbərlik Mali millisinin sağ cinah müdafiəçisi Falaye Sako ilə danışıq aparır.

“Neftçi” keçidi reallaşdırmaq üçün həm Sakonun özü, həm də klubu “Monpelye”nin razılığını almalıdır. Çünki 30 yaşlı oyunçunun Fransa klubu ilə müqavilə müddəti gələn ilin yayına qədərdir. Fransa klubu 2023-cü ilin yayında onun keçidi üçün Portuqaliya “Vitoriya”sına 1,3 milyon avro ödəyib. Liqa 1 təmsilçisi ilə 1 illik müqaviləsi qalan müdafiəçinin hazırkı transfer dəyəri də bu qədərdir.

Qeyd edək ki, Falaye Sako karyerası ərzində Macarıstan, Belçika, və Portuqaliyada da legioner həyatı yaşayıb.