Bu gün UEFA konfrans Liqasında III təsnifat mərhələsinin püşkatma mərasimi keçiriləcək.
Prosport.Az xəbər verir ki, Bakı vaxtı ilə saat 16:00-da start veriləcək tədbirdə Azərbaycan klubları “Sabah”, “Zirə” və “Araz-Naxçıvan”ın da rəqibləri müəyyənləşəcək.
Səpələnmişlər səbətində yer alan “Petrokub” (Moldova) - “Sabah” və “Zirə” - “Hayduk” (Xorvatiya) cütünün qalibləri səpələnməmişlər cütünün ən güclüsü ilə qarşılaşacaq.
"Rakov" (Çenstoxova, Polşa) - "Jilina" (Slovakiya)
"Sele" (Sloveniya) - AEK (Larnaka, Kipr)
"Aris" (Limassol, Kipr) - "Puşkaş Akademiya" (Macarıstan)
"Levski" (Sofiya, Bolqarıstan) - "Braqa" (Portuqaliya)
"Atletik Klub Eskaldes" (Andorra) - "Dinamo Siti" (Albaniya)
Səpələnməmişlər səbətində yer alan "Araz-Naxçıvan" (Azərbaycan) - "Aris" (Yunanıstan) cütünün qalibi isə səpələnmişlər səbəbtində yer alan cütlüklərin ən güclüsü ilə üz-üzə gələcək.
"Aktobe" (Qazaxıstan) - "Sparta" (Praqa, Çexiya)
"Omoniya" (Kipr) - "Torpedo" (Kutaisi, Gürcüstan)
"Zimbru" (Kişinyov, Moldova) - "Astana" (Qazaxıstan)
"Riqa" (Latviya) - "Dila" (Qori, Gürcüstan)
"Hibernians" (Malta) - "Spartak Trnava" (Slovakiya)
12:38
UEFA konfrans Liqasında III təsnifat mərhələsinin püşkü atılıb.
Prosport.Az xəbər verir ki, UEFA-nın İsveçrənin Nyon şəhərindəki mənzil-qərargahında təşkil edilən mərasimdə Azərbaycan klubları “Sabah”, “Zirə” və “Araz-Naxçıvan”ın da potensial rəqibləri bəlli olub.
“Zirə” - “Xayduk” (Xorvatiya) cütünün qalibi "Atletik Klub Eskaldes" (Andorra) - "Dinamo Siti" (Albaniya) duelinin güclüsü ilə qarşılaşacaq. Bakı təmsilçisi mərhələ adlayarsa, bu rəqiblərdən biri ilə ilk görüşü doğma divarlar arasında keçirəcək.
"Araz-Naxçıvan" - "Aris" (Yunanıstan) cütünün qalibinə "Omoniya" (Kipr) - "Torpedo" (Kutaisi, Gürcüstan) görüşünün güclüsü rəqib olub. Təmsilçimiz yunanlara qalib gələrsə, növbəti mərhələyə evdə başlayacaq.
“Sabah” - “Petrokub” (Moldova) cütünün qalibi Avropa Liqasının II təsnifat mərhələsində "Levski" (Sofiya, Bolqarıstan) - "Braqa" (Portuqaliya) duelinin məğlubu ilə qarşılaşacaq. Komandalar arasında ilk görüş səfərdə olacaq.
Qeyd edək ki, bu mərhələnin oyunları avqustun 7-də və 14-də keçiriləcək.