UEFA Konfrans Liqasının II təsnifat mərhələsində "Zirə" ilə üz-üzə gələcək Xorvatiyanın "Xayduk" komandası futbolçu itkisi ilə üzləşib.

Prosport.Az xəbər verir ki, sağ cinah yarımmüdafiəçisi "Bamba" ləqəbli Abduli Sanyanq II Liqada çıxış edən "Xorvatiya Zmiyavtsı" kollektivi ilə yoxlama matçının 28-ci dəqiqəsində rəqib oyunçunun müdaxiləsindən sonra zədələnib.

Oyuna davam edə bilməyən Bamba Mişel Şeqo ilə əvəzlənib.

Qarşılaşma "Xayduk"un 4:1 hesablı qələbəsi ilə yekunlaşıb. Qalib komandadan qolları Entoni Kalik 27-ci, Noa Skoko 67-ci, Marko Livaya 68-ci və Zvonimir Şarliya 74-cü dəqiqədə vurub.

Qeyd edək ki, "Zirə" "Xayduk"la ilk matçını iyulun 23-də Bakıda, cavab görüşünü iyulun 31-də Splitdə keçirəcək.