UEFA Çempionlar Liqasında I təsnifat mərhələsinin cavab görüşlərinə start verilib.

Prosport.Az xəbər verir ki, ilk oyun günündə 12 matç keçirilib.

Azərbaycanlı müdafiəçi Zamiq Əliyevin formasını geyindiyi Albaniya çempionu “Eqnatiya” ilk oyunda 1:0 hesabıyla məğlub etdiyi “Breydablik”ə İslandiyada 5 cavabsız qolla uduzub. Zamiq bu oyunun 43-cü dəqiqəsində, hesab 0:4 olarkən buraxılıb.

Mərhələnin qalan 2 oyunu bu gün keçiriləcək. Azərbaycan çempionu “Qarabağ”ın potensial rəqibləri – “Linfild”lə (Şimali İrlandiya) “Şelburn” (İrlandiya) də üz-üzə gələcəklər.