“Turan Tovuz” yeni transferini açıqlayıb.

Prosport.Az xəbər verir ki, bölgə təmsilçisi Roberto Olabe ilə anlaşıb. İspaniyalı mərkəz yarımmüdafiəçisi ilə 2 illik müqavilə imzalanıb.

2018-ci ildə Madrid “Atletiko”sunun heyətində UEFA Superkubokunu başı üzərinə qaldıran ("Real"a 4:2 qalib gəldikləri matçda sonadək ehtiyatda olub) Olabe “Eybar”, “Alkorkon”, “Albasete”, “Deportivo”, “Estremadura”, “İbisa” klublarının formasını geyinib. 29 yaşlı futbolçu bir mövsüm Portuqaliyada legioner həyatı yaşayıb. O, “Tondela”nın heyətində 17 oyunda meydana çıxıb.

Qeyd edək ki, “Turan Tovuz” daha öncə Kabo Verde əsilli portuqaliyalı David Tavareş və Abdulla Rzayevi transfer edib.