"Bu anlar ürəyimdə əbədi qalacaq. Premyer Liqada titullar, avrokuboklarda yaxşı nəticələr əldə etdik".

Prosport.Az xəbər verir ki, bunu "Qarabağ"dan ayrılan monteneqrolu futbolçu Marko Veşoviç sosial şəbəkə hesabında paylaşıb.

Cinah müdafiəçisi Ağdam klubunda unudulmaz 4 il keçirdiyini yazıb: "İlk günlərdən azarkeşlərin dəstəyini hiss edirdim. Bunu heç vaxt unutmayağacam. "Qarabağ" həmişə mənim bir parçam olacaq. Yeni bir səhifə açmaq vaxtıdır. Amma getdiyim yerə bu sevgini də özümlə aparacağam. Bütün qəlbimlə təşəkkür edirəm".

Qeyd edək ki, 2021-ci ildən "Qarabağ"da forma geyinən 33 yaşlı Veşoviç 2024/2025 mövsümünün sonunda klubdan ayrılıb.