Rumıniyalı məşqçi Adrian Mutu "Neftçi"nin təklifini qəbul edib.

Prosport.Az Rumıniyanın "Gazeta Sporturilor" nəşrinə istinadən xəbər verir ki, Mutu artıq "Neftçi"nin təlim-məşq toplanışında olduğu Rusiyaya yola düşüb.

Buxarest "Rapid"i Mutuya icazə verdiyindən, "Neftçi" 200 min avroluq kompensasiya tələbi ilə də üzləşməyəcək. Mənbənin xəbərinə görə, Mutunun "Neftçi"dəki maaşı ilinə 650 min avro olacaq. "Rapid" isə ona ilinə 150 min avro verirdi.

Qeyd edək ki, 44 yaşlı Adrian Mutu futbolçu kimi "İnter", "Çelsi" və "Yuventus" kimi böyük klublarda çıxış edib. O, ötən mövsüm "Rapid"i 5-ci edib.