"Mingəçevir"in yeni baş məşqçisi Ramiz Məmmədovun köməkçiləri bilinib.

Bu barədə Prosport.Az-a klubun İdarə Heyətinin sədri Rafael Bunyatov bildirib.

Onun sözlərinə görə, Mehman Baxışov, Məqsəd Yaqubəliyev və qapıçı məşqçisi Elnar Kərimov olacaq. Onlarla mövsümün sonunadək – 10 aylıq müqavilə imzalanacaq.

Komanda iyulun 20-dən Mingəçevirdə yeni mövsümün hazırlıqlarına başlayacaq.

Bundan başqa, "Mingəçevir" klubunun təsisçisi və əvvəlki rəhbəri Ruslan Həmidova da yeni vəzifə verilib. O, yeni mövsümdən klub Akademiyasının rəhbəri – koordinatoru olacaq. 

Qeyd edək ki, bu məşqçilərdən Mehman Baxışov və Elnar Kərimov Ramiz Məmmədov kimi Mingəçevir futbolunun yetirməsidir. Bu 2 nəfər "Şamaxı" I Liqada çıxış edərkən də Ramiz Məmmədovun köməkçiləri olub. Elnar Kərimov həmçinin, "Qəbələ"də çalışarkən Ramiz Məmmədovun komandasında yer alıb.