“Qarabağ”ın sabiq futbolçusu Juninyunun hazırkı klubu “Flamenqu"dakı taleyinə aydınlıq gəlib.

Prosporr.Az Braziliya mətbuatına istinadən xəbər verir ki, 28 yaşlı hücumçu bu komandada çıxışını davam etdirəcək.

“Qarabağ”ın da maraq dairəsində olan Juninyu üçün Səudiyyə Ərəbistanının 2 klubu “Flamenqu”nun qapısını döysə də, braziliyalılar təklifləri rədd ediblər. Məşqçilər korpusu indiyə qədər cəmi 7 matçda start heyətində meydana çıxan forvarda mövsümün 2-ci yarısında daha çox şans verməyi planlaşdırır. Hətta rəhbərlik Juninyunun formaya düşəcəyi təqdirdə Braziliya millisinə dəvət alacağına da inanır.

Qeyd edək ki, ilin əvvəlində “Qarabağ”dan 5 milyon avroya transfer edilən Juninyunun “Flamenqu” ilə müqaviləsinin müddəti 2028-ci ilin sonuna qədərdir.