Azərbaycan Kubokunun qalibi "Sabah" komandası UEFA Avropa Liqasında mübarizəyə başlayıb.

Prosport.Az xəbər verir ki, I təsnifat mərhələsində rəqib Sloveniya Kubokunun sahibi "Selye" olub.

"Bank Respublika Arena"da təşkil olunan ilk qarşılaşma qonaqların əzmkar qələbəsi ilə yekunlaşıb - 2:3.

Hesabı 3-cü dəqiqədə "Sabah"ın kapitanı Pavol Şafranko açıb. 30 yaşlı slovakiyalı hücumçu künc zərbəsindən sonra topu başla rəqib qapısından keçib.

Cəmi 4 dəqiqə sonra "Selye"nin forvardı Franko Kovaçeviç bərabərlik qolunu vurub.

18-ci dəqiqədə "Sabah" penalti qazanıb. Şafranko bu imkandan yararlanaraq, özünün və komandasının ikinci qolunu vurub.

2-ci hissənin əvvəllərində "Selye" yenidən bərabərliyə nail olub. 48-ci dəqiqədə Kovaçeviç dubl edib. Yekun nəticəni isə 90+3-cü dəqiqədə Darko Hrka müəyyənləşdirib.

Beləliklə, səfər matçından sərfəli nəticə ilə ayrılan Sloveniya təmsilçisi iyulun 17-də öz meydanında keçirəcəyi cavab görüşü üçün üstünlük əldə edib.

10:10

“Sabah” UEFA Avropa Liqasının I təsnifat mərhələsində bu gün ilk matçına çıxacaq.

Prosport.Az xəbər verir ki, paytaxt təmsilçisi Sloveniyanın “Selye” klubu ilə üz-üzə gələcək.

“Bank Respublika Arena”da keçiriləcək və qazaxıstanlı referi Daniyar Saxinin idarə edəcəyi görüş saat 20:00-da start götürəcək.

UEFA Avropa Liqası

I təsnifat mərhələsi, ilk oyun

10 iyul

20:00. “Sabah” - “Selye” (Sloveniya)

Baş hakim: Daniyar Saxi (Qazaxıstan).

“Bank Respublika Arena”

Qeyd edək ki, komandalar arasında cavab matçı iyulun 17-də Sloveniyada keçirəcək.