"İlk oyunda sərfəli nəticə qazanacağımıza inanıram".

Prosport.Az xəbər verir ki, bu sözləri UEFA Avropa Liqasının I təsnifat mərhələsində "Sabah"la üz-üzə gələcək "Selye" klubunun baş məşqçisi Albert Riyera Sloveniyadakı mətbuat konfransında deyib.

İspaniyalı mütəxəssis bildirib ki, Bakıda keçiriləcək ilk matç hər şeyi həll etmir: "Növbəti görüş Selyedə olacaq. Təbii ki, yaxşı oyun göstərmək istəyirik".

O, istənilən rəqiblə rəqabət apara biləcəklərini vurğulayıb: Klub üçün ən vacib dövr elə başlanğıcdadır. Bu ilk ay həlledici olacaq, çünki biz yenidən Avropa yarışlarının qrup mərhələsində oynamaq istəyirik. Bu üç həftə ərzində fikrimi, oyun üslubumuzun mümkün qədər tez təkmilləşməsinə diqqət yetirmişəm. Avropada oynamaq istəyirsinizsə, fərqli rəqibləri məğlub etməlisiniz".

Qeyd edək ki, "Sabah" "Selye" ilə ilk oyununu iyulun 10-da evdə, cavab görüşünü iyulun 17-də səfərdə keçirəcək.