"Qarabağ"ın sabiq futbolçusu Yakub Jezniçak Ağdam klubundakı çıxışını xatırlayıb.

Prosport.Az xəbər verir ki, polşalı müdafiəçi sosial şəbəkə hesabındakı paylaşımında Azərbaycan təmsilçisinə gəlişi və qazandığı uğurlardan bəhs edib: 

"Düz 8 il əvvəl “Qarabağ”la müqavilə bağlamışam. Bu, həqiqətən gözəl 2 il idi. Çempionlar Liqasında, sonra Avropa Liqasında yüksəliş. 2 Azərbaycan çempionluğu və 1 ölkə kuboku!

Ancaq bilirsiniz ən çox nəyi xatırlayıram? Mən orada tanış olduğum insanları istər futbolda, istərsə də şəxsi həyatda sevirəm. Bu günə kimi onların çoxu ilə əlaqə saxlayıram.

Təşəkkür edirəm. Bakı və "Qarabağ" həmişə mənim qəlbimdə yer alacaq!"

Xatırladaq ki, Yakub Jezniçak 2017-19-cu illərdə "Qarabağ"da oynayıb.