“Qarabağ”ın və Azərbaycan millisinin yarımmüdafiəçisi Aleksey İsayevin Rusiyaya qayıtmaq variantı olub.

Prosport.Az yerli mətbuata istinadən xəbər verir ki, “Yenisey”in yetirməsi doğma komandasından təklif alıb.

I Liqa təmsilçisi 29 yaşlı orta sahə oyunçusu hələ “Sabah”da olarkən onunla maraqlanmışdı. Lakin həmin vaxt “Qarabağ” rusları qabaqlayaraq İsayevi heyətinə qatmışdı. “Yenisey” bu yay da Alekseyin transferi ilə bağlı qarşı tərəfin fikrini öyrənməyə çalışıb. Ancaq ağdamlılar oyunçunu buraxmayacaqlarını onlara bildirib. Bu üzdən millimizin üzvünün Rusiyaya qayıtmaq variantı baş tutmayıb.

Qeyd edək ki, Aleksey İsayevin “Qarabağ”la müqavilə müddəti 2027-ci ilin yayına qədərdir.