"Turan Tovuz"un ssas komandasında 3 yeni təyinat baş tutub.

Prosport.Az xəbər verir ki, qazaxıstanlı Aleksandr Kornilov həkim, italiyalı Marko Kazer fiziki hazırlıq üzrə məşqçi, onun həmyerlisi Vinçenso Çestaro isə atletik hazırlıq üzrə məşqçi vəzifəsinə təyin olunub.

42 yaşlı Aleksandr Kornilov vətənində "Spartak" (Semey), "Altay", "Kayrat" və "Yelimay" komandalarında çalışıb.

50 yaşlı fiziki hazırlıq üzrə məşqçi Marko Kazer İtaliyada "Belluno", "Salernitana", "Novara", Maltada "Valletta", "Birkirkara", Tunisdə "Sfaksyen", Qətərdə "Əl-Qarafa", İranda "Traktor", "Nassaci" və “Fulad” komandalarında işləyib.

Son olaraq Maltanın "Hamrun" klubunda bu vəzifəni icra edən 54 yaşlı Vinçenso Çestaro daha əvvəllər İtaliyada "Çaveze", "Focca", "Avellino", "Noçerina", Çexiyada "Viktoriya" (Jijkov), Maltada "Valletta" kimi klublarda çalışıb. O, "Noçerina"da reabilitasiya üzrə məşqçi işləyib.

Hər 3 mütəxəssislə 1 illik müqavilə imzalanıb.

Xatırladaq ki, bu komandanın baş məşqçisi türkmənistanlı Qurban Berdiyevdir.