Premyer Liqanın debütantı “İmişli” futbol klubu yay transfer pəncərəsində heyətini gücləndirməkdə davam edir.

Prosport.Az xəbər verir ki, komandanın yeni transferi əvvəllər bu klubda çıxış etmiş 25 yaşlı hücumçu İbrahim Əliyev olub.

Tərəflər 1 illik müqavilə imzalayıb.

İbrahim Əliyev "Qarabağ"ın yetirməsi sayılır. O daha əvvəl "Qarabağ"ın, "Sumqayıt"ın, "Neftçi"nin 19 yaşadək (U-19), o cümlədən "Şamaxı"nın əvəzedici komandasında çıxış edib. Hücumçu daha sonra "Turan Tovuz", "Zaqatala", "Sumqayıt", MOİK (indiki "Ordu"), "İrəvan" klublarında çıxış edib. O, 2023/24 mövsümünün 2-ci yarısını "İmişli"də keçirib. Futbolçuya "İmişli"yə MOİK-dən keçib. O, ötən mövsüm 11 qolla ("İmişli"nin sabiq hücumçusu Seyxan Fərəcovla birgə) I Liqanın 4-cü bombardiri olub. Əliyev aprelin 18-də "Karvan"a 28-ci dəqiqədə qayçı zərbəsindən vurduğu qola görə PFL tərəfindən "ayın qolu" mükafatına sahib çıxıb.

Qeyd edək ki, bu artıq "İmişli"nin cari mövsümlərarası fasilədə 3-cü transferidir. Klub daha əvvəl müdafiəçilər – braziliyalı Ronaldo Rodriqes və Azər Salahlının transferini açıqlayıb.