Yeni mövsümün transfer çalışmalarını davam etdirən “Qəbələ” heyətinə daha bir legioner futbolçu qatıb.

Prosport.Az xəbər verir ki, anqolalı sağ cinah vingeri Paulu Kimbila “qırmızı-qaralar”ın uğurları üçün çalışacaq.

19 yaşlı futbolçu ilə 3 illik müqavilə imzalanıb. Paulu Kimbila son olaraq Bəhreyn təmsilçisi “Əl-Əhli”də oynayıb. Bu onun ilk peşəkar komandası olub. 

Qeyd edək ki, “Qəbələ” bunadək qanalı futbolçuları – sol cinah vingeri Prins Ovusu və mərkəz müdafiəçisi İsaak Amoanı heyətinə qatıb.