UEFA Konfrans Liqasının II təsnifat mərhələsində “Zirə”nin rəqibi olan “Xayduk” növbəti yoxlama oyununu keçirib.

Prosport.Az xəbər verir ki, Xorvatiya təmsilçisi Sloveniya toplanışı çərçivəsində yerli “Radomlje” ilə üz-üzə gəlib.

Matç “Xayduk”un 1:0 hesablı qələbəsi ilə yekunlaşıb. Oyunun taleyini həll edən yeganə qolu 47-ci dəqiqədə Mikele Şeqo vurub.

Bu, Split klubunun Sloveniya toplanışı çərçivəsində 2-ci qələbəsidir. “Xayduk” ilk matçında MOİK-i (Sofiya) 1:0 hesabı ilə məğlub edib.

“Zirə” və “Xayduk” arasındakı ilk görüş iyulun 23-də Bakıda, cavab qarşılaşması isə 31-də Splitdə keçiriləcək.