“Qarabağ”ın sabiq futbolçusu Juninyu “Flamenqu”nu tərk edə bilər.

Prosport.Az xəbər verir ki, baş məşqçi Filipe Luisin kifayət qədər şans vermədiyi hücumçu Səudiyyə Ərəbistanı klublarının maraq dairəsinə düşüb.

Konkret olaraq “Al-Riyad” və “Najran” 28 yaşlı forvardın keçidində maraqlıdır. Ölkə xaricinə transfer ehtimalı Juninyunu da cəlb edir. O, mümkün dəyişikliyi müsbət qarşılayır. Hər iki klub Juninyunu icarəyə götürmək üçün “Flamenqu”ya müəyyən məbləğ ödəməyi təklif edib. Ancaq Braziliya klubunda mərkəz hücumçusu mövqeyində oyunçu çatışmazlığı Juninyunun gedişini çətinləşdirə bilər. Hazırda “Flamenqu”nun bu mövqedə əsas ümid yeri Pedrodur ki, o da ağır diz zədəsindən sonra əvvəlki formasını bərpa etməyə çalışır.

Qeyd edək ki, “Flamenqu” Juninyunu bu ilin əvvəlində “Qarabağ”dan 5 milyon avro qarşılığında transfer edib.