“Qarabağ”ın sabiq hücumçusu Dino Ndlovu ölkəsi Cənubi Afrika Respublikası futbolundakı maddi durumdan gileylənib.

Futbolinfo.az xəbər verir ki, 35 yaşlı forvard klubların oyunçulara yatırım etmədiklərini bildirib.

O, Avropa ilə müqayisədə Afrikada futbolçuların çətin şəraitdə hazırlaşdıqlarını söyləyib: “Avropada Kipr, Azərbaycan, Türkiyə kimi ölkələrdə çıxış etdim. Ora ilə müqayisədə Cənubi Afrikada klublar futbolçulara pul xərcləmək istəmir. Liqa rəhbərliyi maliyyə baxımından çempionatı inkişaf etdirib. Liqa maliyyə cəhətdən böyüyür, amma bəzi klublar hələ də futbolçulara qəpik-quruş verirlər. Bu baxımdan çempionatda 3 komanda ilə digərləri arasında böyük uçurum var. “Mamelodi Sandauns” bu mənada önə çıxır. Qarşıdakı 6-7 il ərzində liqa bir komandanın dominantlığı altında keçəcək. Ta ki, digər klublar uğurlu nəticə üçün futbolçulara sərmayə qoymaq lazım olduğunu başa düşənə qədər”.

Qeyd edək ki, Dino Ndlovu bu ilin martında keçdiyi Cənubi Afrika Respublikasının “Marumo” klubundan yenicə ayrılıb. O, 2016-cı ilin avqustundan 2017-ci ilin sonuna qədər Azərbaycanda “Qarabağ”ın formasını geyinib.