"Onun daha yaxşı uyğunlaşacağını gözləyirdik. Lakin bunu əvvəlcədən bilmək çox çətindir".

Prosport.Az xəbər verir ki, bunu Braziliya "Flamenqo"sunun futbol direktoru Joze Boto "Qarabağ"dan transfer etdikləri Juninyonun komandadan ayrılacağına dair xəbərlərə münasibət bildirərkən deyib.

Onun fikrincə, 29 yaşlı hücumçudan daha çox şey gözlənilir: "Biz Juninyonu Pedro zədələndiyi vaxt almışdıq. Onu mərkəz hücumçumuz olacağı və 50 qol vuracağı düşüncəsi ilə heç vaxt axtarmamışdıq. Sadəcə, mövcud boşluğu doldurmaq istəyirdik. O bu rolda özündən gözləniləni yerinə yetirdi. Əlbəttə, tezliklə uyğunlaşmaq daha çox idmançının dözümlülüyündən asılıdır. İndi daha yüksək səviyyəli oyunçuların varsa, belə bir imkanı qazanmaq çətindir".

Qeyd edək ki, Juninyo klublararası dünya çempionatında yalnız ABŞ "Los-Anceles"inə qarşı 8 dəqiqə oynaya bilib. Qalan 3 matçda ehtiyatda qalıb.