Avrokuboklara hazırlaşan "Qarabağ" və "Zirə" yoxlama oyununda qarşılaşıb.

Prosport.Az xəbər verir ki, "Azərsun Arena"da baş tutan matç Ağdam təmsilçisinin 4:0 hesablı qələbəsi ilə yekunlaşıb.

Qolları braziliyalı Kadi Borjes (10-cu dəqiqə), qanalı Emanuel Adai (50), ukraynalı Aleksey Kaşşuk (58) və Musa Qurbanlı (64) vurub.

Qeyd edək ki, "Qarabağ" UEFA Çempionlar Liqasının II təsnifat mərhələsində "Şelburn" (İrlandiya) – "Linfild" (Şimali İrlandiya) cütünün qalibi ilə qarşılaşacaq. Bu raundun ilk görüşü iyulun 22-23-də, cavab qarşılaşması 29-30-da baş tutacaq.

"Zirə" isə UEFA Konfrans Liqasının II təsnifat mərhələsində Xorvatiya təmsilçisi "Xayduk"un müqavimətini qırmağa çalışacaq. İlk matç iyulun 23-də, saat 19:30-da "Bakcell Arena"da keçiriləcək. Komandalar arasında cavab görüşü iyulun 31-də, Bakı vaxtı ilə saat 23:00-da “Polyud” stadionunda start götürəcək.