İngiltərəli Kayl Spens gələn mövsümü Azərbaycanda keçirəcək.

Prosport.Az sportinfo.az-a sistinadən xəbər verir ki, adıçəkilən legioner "Karvan"la anlaşıb.

28 yaşlı vinger 16 ildən sonra Premyer Liqaya dönmüş Yevlax klubu ilə 1 illik müqavilə imzalayıb. "Kristal Pelas"ın yetirməsi yaxın günlərdə ölkəmizə təşrif buyuracaq.

Ümumiyyətlə, "Karvan" onun karyerasında 14-cu komanda olacaq. Spens buna qədər ölkəsi ilə yanaşı, Norveç, Litva, Almaniya və İspaniyada çıxış edib. O, son olaraq Şimali İrlandiyada "Kolerayn"ın formasını geyinib.

Ötən illər ərzində "Hempton", "Kinqstonian", "İst Qrinstad Taun", "Valdres", "Alta", "Oyqarden", "Heqelmann", "Frankfurt", "Veles" və "Qzira Yunayted"in şərəfini qoruyub.