“Qarabağ” yaxın vaxtlarda daha bir legionerin keçidini reallaşdıra bilər.

Prosport.Az AfricaFoot nəşrinə istinadən xəbər verir ki, Ağdam təmsilçisi malili yarımmüdafiəçi Abubakar Konte ilə maraqlanır.

Sol cinah yarımmüdafiəçisi kimi də oynamağı bacaran 24 yaşlı futbolçu hazırda Gürcüstanın “Dila”(Qori) klubunun formasını geyinir.

İddiaya görə, Ağdam klubu transfer üçün müəyyən addımlar atıb. 

Malili oyunçunun transferində maraqlı olan digər klubumuz isə “Araz-Naxçıvan”dır. “Tromsö”nün də istədiyi futbolçunun hansı seçimi edəcəyi yaxın vaxtlarda dəqiqləşəcək. Futbolçunun özünün Azərbaycana gəlmək istəyində olduğu iddia edilir.

Ötən mövsüm karyerasının böyük hissəsini Norveçdə keçirən Konte “Dila”da 17 görüşdə 4 qol vurub.