Növbəti mövsüm Azərbaycan Premyer Liqasında mübarizə aparacaq “İmişli” heyətinə ilk legioneri cəlb edib.

Prosport.Az xəbər verir ki, eyniadlı şəhərin təmsilçisi mərkəz müdafiəçisi Ronaldo Rodriqes de Souza ilə anlaşıb.

Tərəflər arasında 1 illik müqavilə imzalanıb. Braziliyalı son olaraq İndoneziyada “Borneo”nun formasını geyinib. 27 yaşlı futbolçu, həmçinin vətənində "Kruzeyro"nun U-17, U-20-si, Portuqaliyanın "Alverka", "Sportinq" U-23-ü və "Anadia" komandalarında çıxış edib.

"İmişli" daha 6 futbolçu ilə isə yollarını ayırıb. Bunlardan 3-ü əcnəbi, 3-ü isə yerlidir. I Liqada komandada çıxış etmiş nigeriyalı Timilehin Oluvaseun, Fazil Həsənzadə, Seyxan Fərəcov, braziliyalılar – Qilyerme Silva, Pablo Enrike və Xəyal Tomarovla başa çatan müqavilə müddəti artırılmayıb.

Qeyd edək ki, bunlardan Seyxan Fərəcov ötən mövsüm 11 qolla komandanın bombardiri olub.