“Neftçi” daha 2 futbolçunun keçidini rəsmiləşdirib. 

Prosport.Az xəbər verir ki, bunlar ötən mövsüm Samir Abasovun baş məşqçiliyi dövründə "Sumqayıt"ın mərkəz müdafiəçisi olmuş Murad Xaçayev və Elvin Bədəlovdur. Hər iki futbolçu ilə 2 illik müqavilə bağlanılıb.

Donetsk “Şaxtyor”unun yetirməsi olan 27 yaşlı Murad Xaçayevin sonuncu klubu “Sumqayıt” (2019-2025) olub. Murad milli komandamızın heyətində 1 oyun keçirib.

Rusiyanın “Zenit” (Sankt-Peterburq) klubunun yetirməsi olan 30 yaşlı Elvin Bədəlov 2014-2017-ci illərdə "Neftçi"nin şərəfini qoruyub. Sonuncu klubu “Sumqayıt”da (2019-2025) olmuş futbolçu millidə 10 oyun keçirib.

Qeyd edək ki, "Neftçi" bunadək Benin əsilli fransalı dayaq yarımmüdafiəçisi Sessi DAlmeydanı transfer edib. Paraqvaylı sol cinah yarımmüdafiəçisi Luis Ortis "Sportivo Ameliano" klubundan icarəyə götürülüb. Ehtiyat qapıçı Emil Balayevlə daha 1 illik müqavilə bağlanılıb. Həmçinin, "Neftçi" 12 futbolçu – Yeqor Boqomolski, Azər Əliyev, Azər Salahlı, Yuri Matias, Rəhman Hacıyev, Höccət Haqverdi, Rüstəm Samiqullin, Robert Baua, Rafael Qutso, Dembo Darbo, Ervin Kofi və Filip Ozobiçlə yolları ayırıb.