“Kəpəz” yay fasiləsinin ilk transferini həyata keçirib.

Prosport.Az Portuqaliya mətbuatına istinadən xəbər verir ki, “Boavişta”nın mərkəz müdafiəçisi Pedru Qomeş karyerasını Gəncə klubunda davam etdirəcək.

22 yaşlı oyunçu Portuqaliyanın yüksək liqasını tərk edən “Boavişta” ilə başa çatan müqaviləni yeniləməyəcək. Qomeş “Kəpəz”lə artıq müqavilə imzalayıb. Bölgə təmsilçisi sərbəst futbolçu kimi heyətinə cəlb etdiyi oyunçunu tezliklə ictimaiyyətə açıqlayacaq.

Qeyd edək ki, Pedru Qomeş karyerası ərzində yalnız Portuqaliyada çıxış edib.