“Araz-Naxçıvan” daha bir futbolçunun transferini reallaşdırıb.

Prosport.Az xəbər verir ki, bölgə təmsilçisu Patrik Andrade ilə 1+1 illik müqavilə imzalayıb.

Kabo Verde millisinin də üzvü olan 32 yaşlı yarımmüdafiəçi ölkəmizdə daha çox “Qarabağ”dakı çıxışı ilə tanınıb.

O, müxtəlif illərdə ölkəsinin “Sportinq”, “Desportivu”, “Benfika”, Portuqaliyanın “Ribeyran”, “Juane”, “Moreyrensi”, “Famalikan”, “Salqeyruş”, Bolqarıstanın “Çerno More” və Serbiyanın “Partizan” klublarında çıxış edib.

O, ötən mövsümü “Qarabağ”ın heyətində keçirib. Futbolçu 2020-ci ildən Kabo-Verde millisində 20 oyun keçirib.

Xatırladaq ki, buna qədər baş məşqçi Elmar Baxşıyevlə yanaşı, İssof Paro, Ömər Buludov, Kristian Avram, Tərlan Əhmədli, Ürfan Abbasov, Slavik Alxasov, Qara Qarayev, Bəxtiyar Həsənalızadə, Ülvü İsgəndərov, Elçin Mustafayev, Turan Vəlizadə, Vanderson Melo, Ramon Maşado və Nunu Rodriqeslə başa çatan müqaviləni yeniləyən, israilli Bar Kohen, Şotlandiya doğumlu Fil Dişi Sahilindən olan Şarl Boli, braziliyalı Bruno Franko, Almaniya doğumlu Konqo əsilli Ba-Muaka Simakalanı transfer edən “Araz-Naxçıvan” Vadim Abdullayev, Sezar Meza Kolli, Karlos Jatoba, Bernardo Dias və Miço Kuzmanoviçlə yollarını ayırıb.