Əlcəzair millisinin futbolçusu Yassin Benziya “Qarabağ”dan ayrıldıqdan sonra Çin klubundan təklif alıb.

Prosport.Az xəbər verir ki, hazırda sərbəst futbolçu olan 31 yaşlı yarımmüdafiəçi çempionatın sonuncu pilləsində qərarlaşan “Çanqçun Yatay”ın transfer hədəfinə çevrilib.

Çin mediası bildirib ki, klub rəhbərliyi Benziyanın keçidini tezliklə reallaşdırmaqda maraqlıdır. Çünki millimizin sabiq hücumçusu Branimir Subaşiçin vaxtı ilə çıxış etdiyi komanda hazırda çempionatda ağır vəziyyətdədir və əlcəzairli futbolçunu yaxşı maliyyə təklifi ilə razı salmağa çalışır.

Qeyd edək ki, Yassin Benziya 2023-2025-ci illərdə “Qarabağ”ın formasını geyinib. O, Ağdam klubu ilə 2 dəfə Azərbaycan çempionu olub, 1 dəfə isə ölkə Kubokunu qazanıb.