“Araz-Naxçıvan” Çance Simakala Ba-Muakanın transferi qarşılığında Almaniyanın “Osnabrük” klubuna təzminat ödəyib.

Prosport.Az xəbər verir ki, bu barədə “liga3-online.de” saytı məlumat yayıb.

Bildirilib ki, 28 yaşlı hücumçunun Almaniya klubu ilə müqaviləsi gələn ilin yayına qədər idi. Bu səbəbdən Azərbaycan təmsilçisi keçidi reallaşdırmaq üçün qarşı tərəfə ödəniş edib. Rəsmi açıqlanmasa da, bu məbləğin 200 min avro olduğu vurğulanıb.

Xəbərdə o da vurğulanıb ki, Simakala mövsümə parlaq başlanğıc etsə də, ikinci dövrədə əsas heyətdəki yerini itirib. “Osnabrük”ün baş məşqçisi Marko Antverpen isə almaniyalı forvardın məşqlərə həvəslə yanaşmamasından və ümumi tempdən geri qalmasından gileylənmişdi.

Qeyd edək ki, Çance Simakala Ba-Muaka dünən “Araz-Naxçıvan”la 1 illik müqavilə imzalayıb.