"Qarabağ" braziliyalı sağ cinah müdafiəçisi Dani Boltla razılaşdığını açıqlayıb.

Prosport.Az xəbər verir ki, Ağdam təmsilçisi ilə Portuqaliyanın I Liqa təmsilçisi “Torensi” komandası arasında aparılan danışıqlar uğurla nəticələnib.

25 yaşlı oyunçu ilə "3+1" illik müqavilə bağlanıb. Sağ cinah müdafiəçisi “Qarabağ”da 18 nömrəli forma ilə çıxış edəcək.

Qeyd edək ki, əsl adı Daniel Lima de Kastro olan Dani Boltun son klubu Portuqaliya təmsilçisi “Torensi” olub. Ötən mövsüm formasını geyindiyi bu klubadək Braziliyada çıxış edən Bolt yetirməsi olduğu “Fluminense”, həmçinin “Atletiko Paranaense”, “Vitoriya” və “Juventude”nin şərəfini qoruyub.