"Qarabağ"ın yollarını ayırdığı Patrik Andrade Azərbaycandan daha bir təklif alıb.

Prosport.az sportinfo.az-a istinadən xəbər verir ki, 32 yaşlı yarımmüdafiəçiyə bu dəfə "Araz-Naxçıvan" dəvət göndərib.

Tarixində ilk dəfə avrokuboklarda mübarizə aparacaq Muxtar Respublika klubu afrikalı legionerlə 1+1 illik müqavilə bağlamağa hazırdır.

Onlar bu keçid üçün aylıq 30 min dollar maaşı gözdən çıxarıblar.

Qeyd edək ki, daha əvvəl "Neftçi"nin də Patrik Andrade ilə maraqlandığı bildirilirdi.