Yeni mövsümdən Misli Premyer Liqasında mübarizə aparacaq “Karvan” heyətini portuqaliyalı futbolçu ilə gücləndirə bilər.

Prosport.Az xəbər verir ki, yevlaxlılar “çərçivə”ni əcnəbiyə tapşırmaq istəyir. Adı gizli saxlanılan qapıçı ilə razılıq əldə edilib. Onun tezliklə düşərgəyə gəlib rəsmi müqavilə imzalaması gözlənilir.

Ümumiyyətlə, debütant 4 əcnəbi ilə prinsipial razılığa gəlib. Portuqaliyalı qolkiper onlardan yalnız biridir.

Qeyd edək ki, “ağ-qaralar” hazırlığa iyunun 20-də start verəcək. “Karvan” hazırlığın ilk mərhələsini Yevlaxda keçirəcək. Növbəti mərhələnin ya Qəbələdə, ya da Qubada baş tutacağı bildirilir.