Millimizin və Albaniyanın "Eqnatiya" klubunun futbolçusu Zamiq Əliyev komandasını dəyişmək üzrədir.

Prosport.Az-ın xəbərinə görə, 24 yaşlı mərkəz müdafiəçisi Albaniya çempionu olduğu klubu Ukraynanın "Veres" komandasına dəyişmək istəyir.

"Eqnatiya" ilə daha 2 illik müqaviləsi qaldığından, albanlar ötən mövsümü Ukrayna Premyer Liqasında 9-cu yerdə bitirmiş Rovno təmsilçisindən 200 min avro pul istəyir. Bu səbəbdən də transferin baş tutması gecikir. "Transfermarkt"a görə, hazırda futbolçumuzun dəyəri 350 min avrodur.

Bundan başqa, Z.Əliyevin İtaliya, Belçika və Portuqaliyada da oynamaq imkanı var. Lakin həmin klublar futbolçunu pulsuz heyətinə qatmaq istəyir. Meneceri bununla bağlı tərəflərlə görüşür.

Yeri gəlmişkən, Zamiq Əliyevin özü də xəbərimizi saytımıza təsdiqləyib.