"Kəpəz" Sloveniyanın “Selye” komandası ilə əməkdaşlığa başlayıb.

Prosport.Az xəbər verir ki, hər iki klubun rəhbər şəxsləri arasında görüş keçirilib.

Görüşdə “Kəpəz”in İctimai Birliyinin İdarə Heyətinin sədri Namiq Qədirov, İdarə Heyətinin üzvü, idman məsələləri üzrə müşavir Erkin İbrahimov, “Selye” klubunun rusiyalı prezidenti Valeri Kolotilo, klubun idman direktoru Qennadi Qolubin və Baş Əməliyyat Direktoru Zoran Podkoritnik işitrak edib.

Tərəflər arasında bir sıra məsələlər müzakirə olunub və əməkdaşlıq müqaviləsi imzalanıb. Anlaşma klublar arasında mövcud skautinq şəbəkəsi və resurslardan istifadə edilməklə oyunçuların transferi sahəsində ümumi strateji məsləhətlərin və dəstəyin göstərilməsini əhatə edir.

Qeyd edək ki, 1919-cu ildə yaradılan “Selye” klubu 2 dəfə Sloveniya çempionatının və Kubokunun qalibi olub. Selye şəhərinin təmsilçisi ötən mövsüm UEFA Konfrans Liqasının 1/4 finalına kimi irəliləyib.