“Neftçi” daha bir futbolçu ilə anlaşmaq üzrədir. Murad Xaçayev “Sumqayıt”dan paytaxt klubuna gələn ikinci oyunçu olacaq.

Prosport.Az futbolinfo.az-a istinadən xəbər verir ki, rəsmən açıqlanmasa da, Elvin Bədəlovun bakılılarla anlaşdığı bəllidir. “Ağ-qaralar” keçmiş oyunçusu ilə 2 illik müqavilə bağlayacaq.

Murad da eyni müddət üçün razılaşıb. 27 yaşlı müdafiəçi bu səbəbdən 6 il oynadığı “kimyaçılar”la müqavilə müddətini uzatmayıb. Donetsk “Şaxtyor”unun yetirməsi “Sumqayıt”da rəhbərliyi altında oynadığı Samir Abasovun istəyi ilə transfer olunur.