"Turan Tovuz" daha bir legioneri ilə yollarını ayırıb.

Prosport.Az-ın məlumatına görə, iranlı mərkəz müdafiəçisi Arəş Qadiri ilə bağlanmış 2+1 illik müqaviləyə qarşılıqlı razılıq əsasında son qoyulub.

Futbolçu Tovuzda oynamaq istəmədiyindən, ayrılmaq qərarı verib. Ona Bakı klublarından da təklif gəlmədiyindən, "Turan Tovuz"un baş məşqçisi Qurban Berdiyevin "Traktor"dan tanıdığı futbolçu yenidən ölkəsində çıxış edəcək. O, "Xeybər" komandası ilə müqavilə imzalayıb. Futbolçuya "Turan Tovuz"a gələnədək oynadığı "Zob Ahan"dan da təklif olub.

Qeyd edək ki, 26 yaşlı futbolçu başa çatan mövsümdə "Turan Tovuz"un heyətində ümumilikdə 22 oyunda meydana çıxıb. O indiyədək Fars Körfəzi Pro Liqasında (İran çempionatında) 87 oyunda meydanda olub.