Azərbaycanın 3x3 basketbol üzrə qadınlardan ibarət millisi Avropa Kubokunun final mərhələsinə vəsiqə qazanıb.

Prosport.Az xəbər verir ki, komandamız Kosovonun paytaxtı Priştinada keçirilən yarışın qrup mərhələsində meydan sahiblərinə 22:10, yarımfinalda Maltaya 21:11 qalib gəlib.

Finalda isə yığmamız Kipr seçməsinə 21:18 hesabı ilə qalib gəlib və sentyabrın 5-7-də Danimarkanın paytaxtı Kopenhagendə keçiriləcək Avropa Kubokuna ardıcıl 2-ci dəfə vəsiqə qazanıb.

Beləliklə, Avropa Kubokunda Azərbaycan millisinin potensial rəqibləri Danimarka (meydan sahibi), İspaniya (son qalib), Niderland, Fransa, Almaniya (hər üçü reytinqlə vəsiqə qazanıb), Böyük Britaniya, Litva, Avstriya (hər üçü Slovakiya təsnifat mərhələsinin qalibi olub), Macarıstan, Polşa və Ukraynadır (hər üçü Rumıniya təsnifat mərhələsinin qalibi olub).

Qeyd edək ki, kişi millimiz isə ötən dəfə olduğu kimi, bu dəfə Avropa Kubokuna vəsiqə qazana bilməyib. Komandamız qrupda Maltaya 21:22 (əlavə vaxt) və Kosovoya 18:21 uduzub. Kişilərdə Avropa Kubokuna İrlandiya vəsiqə qazanıb.