Futbol millimiz Latviyanın paytaxtı Riqaya gəlib.

Prosport.Az-ın Riqaya ezam olunmuş əməkdaşının verdiyi xəbərə görə, Bakı vaxtı ilə saat 13:30-da AZAL şirkətinə məxsus çarter reysi ilə səfərə çıxıb.

Komanda ilə birgə AFFA-nın icraçı vitse-prezidenti Sərxan Hacıyev, baş katib Cahangir Fərəcullayev, Gənclər və İdman Nazirliyinin futbol sektorunun sabiq müdiri Fikrət Hüseynov və media nümayəndələrinin də yer aldığı təyyarə Riqaya yerli vaxtla saat 17:30-da (Bakı vaxtı ilə saat 18:30) çatıb.

Komanda "Radisson Blue Latvija" hotelində məskunlaşıb.

Sabah Bakı vaxtı ilə saat 18:45-də millimizin portuqaliyalı baş məşqçisi Fernandu Sentuşun iştirakı ilə mətbuat konfransı keçiriləcək. Bundan sonra isə ilk 15 dəqiqəsi mətbuat üçün açıq olan məşq baş tutacaq. Mətbuat konfransı və məşq "Skonto" klubuna məxsus stadionda baş tutacaq.

Qeyd edək ki, millimiz iyunun 7-də Latviya ilə yoldaşlıq matçı keçirəcək. Oyuna Bakı vaxtı ilə saat 17:00-da start veriləcək.

Səbuhi Musa
Bakı – Riqa