“Qarabağ”ın yarımmüdafiəçisi Leandro Andrade Misli Premyer Liqasında çıxış edən futbolçular arasında ən yüksək transfer qiymətinə malik oyunçudur.

Prosport.Az xəbər verir ki, Kabo Verde yığmasının üzvünün dəyəri orta hesabla 1,5 milyon avro olaraq müəyyənləşdirilib.

Təxmini Transfer Dəyəri (ETV) oyunçunun qiymətini hesablayan qiymətləndirmə modeli vasitəsilə müəyyən olunur. "Transfermarkt" portalına görə, Andrade üçün ETV aralığı 1,2-1,8 milyon avro təşkil edir.

Azərbaycan çempionunun digər futbolçuları da qiymətlərinə görə seçilirlər. Bunlar ukraynalı yarımmüdafiəçi Aleksey Kaşşuk və polşalı qapıçı Mateuş Koxalskidir. Hər ikisinin transfer dəyəri 1,3 milyon avrodur.