"Əvvəla, şadıq ki, qalib gəldik. İkincisi, Azərbaycanla oyunda yeni uşaqlara baxmaq imkanımız oldu".

Prosport.Az-ın xəbərinə görə, bunu Belarus 21 yaşadək futbol millisinin baş məşqçisi Vitali Pavlov deyib.

Belarus millisi Baranoviçi şəhərində yığmamız üzərində 3:1 qalib gəlib. O, 22-ci dəqiqədə Azərbaycanın hesabı açması barədə bunları deyib: "Buraxdığımız qol fərdi səhvin nəticəsi idi. Ayın 1-dən yığışsaq da, bəzi oyunçular bir gün əvvəl komandaya qoşulmuşdu. Bəzi uşaqlar təyyarə ilə bura gəlmişdi. Yorğunluq vardı.

Meydançanın durumu yaxşı idi. Ancaq o qədər bu duruma öyrəşməmişik ki, uşaqlar xüsusən ötürmələrdə çətinlik çəkirdi. Yaxşı ki, daha sonra qollarımızı vuraraq qələbə qazana bildik.

Tribunaları dolu görmək, yaxşı atmosferdə oynamaq xoş idi. Məmnuniyyətlə, Baranoviçidə yenidən oynamağa gələrdik".