21 yaşadək futbolçulardan ibarət Azərbaycan millisi təlim-məşq toplanışı çərçivəsində Belarusa uduzub.

Prosport.Az xəbər verir ki, təmsilçimiz Belarusun Baranoviçi şəhərində bu ölkənin müvafiq yaş qrupundan ibarət kollektivi ilə yoldaşlıq görüşündə qarşılaşıb.

Bakı vaxtı ilə saat 20:00-da başlayan görüş rəqibin qələbəsi ilə yekunlaşıb – 3:1.

Yığmamızın yeganə qolunu 22-ci dəqiqədə I Liqa təmsilçisi "Mingəçevir" klubunun futbolçusu Raul Məmmədov vurub. O, hesabı açsa da, Ruslan Myalkovski (38), Kirill Sepenkov (41) və Andrey Denisyuk (50) vurduğu qollarla Belarusa qələbə qazandırıb.

Belarus (U-21) – Azərbaycan (U-21) – 3:1

Belarus: 16. İvan Şimakoviç (1. Artyom Karatay, 46), 3. Vladislav Myalko (15. Vadim Martinkeviç, 46), 4. Matsvey Baxno (14. Vladislav Varaksa, 46), 7. Qleb Kuçko (21. Timofey Şarkovski, 46), 8. Ruslan Myalkovski (11. Timofey Simonenko, 46), 10. Kirill Sepenkov (24. Yeqor Prokopenko, 46), 13. Daniil Duşevski (6. Artur Nazarenko, 46), 17. Radivon Pyaçura (23. Andrey Denisyuk, 46), 18. Kiril Qomanov, 19. İlya Dubinets, 20. Vasili Çernyavski

Baş məşqçi: Vitali Pavlov

Azərbaycan: 22. Xəyal Fərzullayev, 15. Raul Məmmədov (27. Elgün Dünyamalıyev, 40), 3. Rüfət Abbasov (2. Amin Rzayev, 78), 14. Oruc Məmmədov, 5. Emin Rüstəmov, 20. Ayxan Süleymanlı (24. İbrahim Ramazanov, 78), 7. Murad Məmmədov (11. Nihat Mehrəliyev, 62), 17. Nihad Əhmədzadə (13. Nadir Orucov, 78), 8. Emil Süleymanov (18. İbrahim Hacı, 62), 10. Edqar Adilxanov (21. Sənan Muradlı, 78), 9. Ağadadaş Salyanski (19. Sadiq Şəfiyev, 62)

Baş məşqçi: Ayxan Abbasov

Bu, baş məşqçi Ayxan Abbasovun gəlişindən sonra U-21 millimizin ilk məğlubiyyəti olub.

Qeyd edək ki, Ayxan Abbasovun baş məşqçisi olduğu U-21 millimiz iyunun 8-də Mehdi Hüseynzadə adına Sumqayıt şəhər stadionunda Monteneqronun müvafiq yaş qrupundan ibarət komandası ilə yoldaşlıq görüşü keçirəcək.