"Sumqayıt" FK-nın fizioterapevti Orxan İmanov 26-30 may tarixləri arasında Türkiyənin "Qalatasaray" klubunda təcrübədə olub.
Prosport.Az xəbər verir ki, adıçəkilən klubun baş həkimi Yenər İncə, fizioterapevtlər – Burak Koca, Mustafa Korkmaz, Samet Polat və Ərkan Özyılmaz ilə görüşən İmanov onlarla faydalı fikir mübadiləsi aparıb.
Orxan İmanov təcrübənin son günündə isə Türkiyə Superliqasının "Qalatasaray" – "Başakşəhər" matçında tibbi personalın işi ilə tanış olub.
O həmçinin, "Qalatasaray"ın argentinalı hücumçusu Mauro İkardi, uruqvaylı qapıçısı Fernando Muslera və Abdulkərim Bardakcı ilə şəkil çəkdirib.
