2025/2026 mövsümündə Azərbaycanı UEFA turnirlərində təmsil edəcək bütün komandalar dəqiqləşib.

Prosport.Az xəbər verir ki, bu, "Qarabağ" və "Sabah" komandaları arasında keçirilmiş Azərbaycan Kubokunun final oyunundan sonra bəlli olub.

Həlledici matçda rəqibini üstələyən (3:2) "Sabah" UEFA Avropa Liqasına vəsiqə qazanıb. 2-ci yerin sahibi "Zirə"nin isə Avropa Liqasında yox, UEFA Konfrans Liqasında mübarizə aparacağı dəqiqləşib. Çempionatı 4-cü sırada bitirmiş "Turan Tovuz" isə avrokuboklardan kənarda qalıb.

Qeyd edək ki, əvvəldən Misli Premyer Liqasının qalibi olan "Qarabağ"ın UEFA Çempionlar Liqasında, 3-cü yerin sahibi "Araz-Naxçıvan"ın isə UEFA Konfrans Liqasında çıxış edəcəyi bəlli idi.