Yeni mövsümə daha iddialı heyətlə başlamaq istəyən “Turan Tovuz” bəzi futbolçularla yollarını ayıracaq. Növbəti transferlərin reallaşması üçün faydasız sayılan oyunçulara vida ediləcək.

Prosport.Az xəbər verir ki, Sadiq Quliyev, Eltun Turabov, Tural Bayramlı, Kauan Martins, Anton Kraçkovski və Veysəl Rzayevə özünə yeni klub axtarması tövsiyə edilib. Xəyal Nəcəfov isə özü getməkdə maraqlıdır və keçmiş klubu “Sumqayıt”dan sərfəli təklif alıb.

Qərblilər rusiyalı qapıçılarından da məmnun deyil. İvan Konovalov və Sergey Samokdan ən azı biri yola salınacaq. Onların yerinə uyğun namizəd tapılarsa, rusiyalılardan heç biri komandada qalmayacaq.

Tovuzlular aparıcı oyunçularını heyətdə saxlamaq üçün də cəhd göstərir. Onlardan biri olan Alexandro Serranonun məsələsi hələ açıq qalır. İspan yarımmüdafiəçi yeni təkliflə razılaşmır.