Qadın futbolçulardan ibarət Azərbaycan milli komandası UEFA Millətlər Liqasında sonuncu oyununu keçirib.

Prosport.Az xəbər verir ki, C Liqasının 4-cü qrupunda yer alan yığma Litva seçməsini qəbul edib. Bayıl stadionunda təşkil olunan qarşılaşma rəqibin 5:0 hesablı qələbəsi ilə başa çatıb. Qolları Rimante Yonuşayte (3; 30), Monika Qrikşeyte (10), Uqne Lazdauskayte (45+1) və Tereza Romanovskaya (48) vurublar.

Qeyd edək ki, aktivində 5 xalı olan Azərbaycan millisi öz qrupunu 2-ci pillədə tamamlayıb. Bir oyun az keçirən Latviya seçməsi isə 3 xalla sonuncudur.

10:03

Azərbaycanın qadın futbolçulardan ibarət yığması bu gün UEFA Millətlər Liqasında sonuncu matçına çıxacaq.

Prosport.Az xəbər verir ki, C Liqasının IV qrupunda yer alan Siyasət Əsgərovun baş məşqçisi olduğu komanda Litva yığmasını qəbul edəcək.

Bayıl stadionunda təşkil olunacaq qarşılaşmanı İsraildən olan hakimlər briqadası idarə edəcək.

Matç saat 18:00-da başlayacaq.

Qeyd edək ki, Monteneqro və Litva ilə eyni qrupda yer alan Azərbaycan millisi 5 xalla ikinci pillədə qərarlaşıb. Eyni xala malik Monteneqro qrup lideridirsə, sonuncu yerdə olan Litvanın xalı yoxdur.