“Qarabağ”ın yarımmüdafiəçisi Yassin Benziya ilə maraqlanan klubların sayı gündən-günə artır.

Prosport.Az Tunis mətbuatına istinadən xəbər verir ki, 30 yaşlı futbolçu karyerasını bu ölkədə davam etdirə bilər.

Belə ki, “Esperans Tunis” klubu Əlcəzair millisinin üzvünün keçidində maraqlıdır. Hətta iddiaya görə, Tunis çempionu Benziya ilə danışıqlarda irəliləyişə nail olub və onunla müqavilənin şərtlərini razılaşdırıb. Tərəflər ortaq məxrəcə gəlsə, Benziya yeni komandasına azad agent kimi keçəcək. Çünki onun “Qarabağ”la müqavilə müddəti iyunun sonuna qədərdir.

Qeyd edək ki, Yassin Benziya “Qarabağ”a 2023-cü ilin yanvarında “Dijon”dan keçib. Son günlər onun ağdamlılarla yeni müqaviləni razılaşdırdığı barədə də xəbərlər var.