“Sabah”ın qapıçısı Stas Pokatilov hələ də gələcək karyerası ilə bağlı qərar verməyib.

Prosport.Az xəbər verir ki, qazaxıstanlı qolkiper ölkəsinin mətbuatına açıqlamasında Azərbaycan klubundan ayrılacağı ilə bağlı yayılan məlumatları təkzib edib.

32 yaşlı legioner hazırda bütün diqqətini mayın 31-də “Qarabağ”a qarşı keçiriləcək Azərbaycan Kubokunun final matçına cəmlədiyini bildirib. O, yalnız final görüşündən sonra bütün variantları nəzərdən keçirərək qərarını qətiləşdirəcək.

Qeyd edək ki, Pokatilov bu ilin yanvarında “Tobol”dan “Sabah”a keçib. O, cari mövsüm Bakı klubunda 18 oyun keçirib, 19 qol buraxıb.